Барак Обама шейшембиде CBS телеканалына курган маегинде мусулман өлкөлөрүнүн бийликтерин анда жашаган америкалыктарды коргоо боюнча кошумча чараларды көрүүгө чакырды. Ал мурдараак АКШнын чет мамлекеттердеги объекттерин, эң ириде - элчиликтердин коопсуздугун күчөтүү тууралуу айткан болчу. Мындай кадамдар интернетте жарыяланган “Бейкүнөө мусулмандар” тасмасына каршы массалык толкундоолордон кийин жасалууда. Антиамерикалык маанайдагы толкундоолордон апта ичинде 19 киши набыт кетти, анын ичинде АКШнын төрт дипломаты бар. (ZKo)
