Соңку суткада өлкөдө беш өрт кырсыгы катталды

Соңку суткада Кыргызстанда беш өрт кырсыгы катталды. Бул тууралуу Өзгөчө кырдаалдар министрлигинин маалымат кызматынын башчысы Абдишарип Бекилов кабарлады. Анын айтымында, кырсыктар Бишкете, Чүйдө жана Баткенде болду.

Токмок шаарынын Космодемьянская көчөсүндө ”MAN” маркасындагы автоунаа толугу менен күйүп кеткен. Окуяга электр ширетүү иштеринде өрт коопсуздугу боюнча эреже сакталбаганы себеп болду. Ширетүүчү, 30 жаштагы Каримовдун денесинин 60 пайызы күйүп, ал ооруканага жеткирилди. (RK)