Эртең Ош шаардык мэриясынын жаштар иштери боюнча комитети кыргыз тилин өнүктүрүүгө багытталган сайтты иштетип баштайт. Бул тууралуу комитеттин төрагасы Сонунбек Жунусбаев «Азаттыкка» билдирди. Анын айтымында, kabarat.kg деген аталыштагы сайтта кыргыз тилинин жазуу эрежелери менен катар сөздүктөр жайгаштырылган. Андан сырткары окурамандар сайттан кыргыз элдик чыгармаларды окуса болот. Сайт 23-сентябр – мамлекеттик тил күнүнө карата ачылууда. (SE/RK)
