Бүгүндөн тарта 14 дарыгерден турган дарыгерлер тобу чечекке каршы эмдөөдөн өткөн койлор өлгөн Сузак районундагы Көк-Арт, Кыз-Көл айыл өкмөттөрүндөгү тургундардын ден-соолуктарын текшерүүгө киришет. Бул тууралуу Жалал-Абад облустук саламаттыкты сактоо координатору Маматжан Миянов билдирди. Маалыматка ылайык, эмделген койлордун этин жеген 580 адамдын арасында ооругандар болгон жок. Жергиликтүү дарыгерлер үймө-үй кыдырып, алдын алуу чараларын көрүүдө.
Жарандарга медициналык жардам көрсөтүү үчүн облустук ооруканадан 30, Сузак аймактык ооруканадан 20, Багыш айылындагы айылдык ооруканадан 10 орун даярдалды. (YA)
Жарандарга медициналык жардам көрсөтүү үчүн облустук ооруканадан 30, Сузак аймактык ооруканадан 20, Багыш айылындагы айылдык ооруканадан 10 орун даярдалды. (YA)