Президенттик администрациянын мурдагы башчысы Медет Садыркуловдун иши боюнча бүгүнкү соттук жараянда журналисттерге үн жаздырууга уруксат берилди. Бул тууралуу «Азаттыкка» айыпталуучулардын адвокаты Икрамидин Айткулов билдирди. Маалыматка ылайык, бүгүн журналисттердин бири соттук жараянды жаздырайын дегенде мамлекеттик айыптоочу үн жаздыргыч каражатты тартып алган. Натыйжада адвокаттар менен прокурорлор ортосунда кайым айтышуу орун алган. Жыйынтыгында ишти карап жаткан сот Марлен Тентимишев сот жараянында үн жаздырууга тыюу салган мурдагы чектөөнү жокко чыгарды. (KKs)
