Ирак бийликтери маалымдагандай борбор калаа Багдадда жана ага жакын жердеги туташ жардыруулардан өлгөндөрдүн саны 17ге жетти. Эң ири жардыруу Багдаддан 20 км алыстыктагы Тажи шаарында орун алды. Тажиде мина коюлган үч автоунаа ар кайсы жерде жарылып, 8 адам набыт болду, 22 киши жараат алды. Жергиликтүү бийликтер жардырууну уюштургандар атайын кызматтын өкүлдөрүнө жана шиит мусулмандарга каршы ушундай кадамга барышкан деп билдиришүүдө.
