Транзит жүк ташуучу борбор Бишкектеги музыка мектебин оңдоп берди

"Манас" аэропортундагы Транзиттик жүк ташуу борбору Бишкектеги Мукаш Абдраев атындагы музыкалык мектептин имаратын жаңылап берди. Аталган борбордон кабарлашкандай, айрым аудиториялардын жана чоң концерттик залдын терезе-дубалдары, тактайы жаңыртылды. Жалпысынан 18 миң доллар акча кетти.

Ооганстандагы антитеррордук операцияга катышкан аскер-аба күчтөрүн тейлеген Транзиттик жүк ташуу борбору бул сыяктуу социалдык долбоорлордун бир нечесин буга чейин ишке ашырган. (RK)