Ооганстандын чыгышындагы кечээги жардырууда өлгөндөрдүн арасында НАТОнун үч аскери жана төрт ооган полисмени да болгон. Жумурияттын Ички иштер министрлигинен билдиришкендей, Кхост шаарында НАТО-Ооган биргелешкен аскерий көзөмөл аракети учурунда болгон жардырууда алты жайкын тургун да көз жумду, бир нече киши жаракат алды. Жардырууну талиптер жасашканын өздөрү маалымат каражаттарына билдиришти.
