Минскиде экономикалык сот шейшемби күнү "Платформа" уюмун жабууга өкүм чыгарды. Соттун ырастоосунда, бул уюм салык боюнча отчетун кечиктирип берген жана катталган жеринде жок болуп чыккан. Уюмдун башчысы Андрей Бандаренко салык декларациясы кечиктиргени үчүн айып мурда эле төлөнгөндүгүн билдирди. Бандаренко сот чечимин апелляцияга бермекчи. "Платформа" уюму Беларус түрмөлөрүндөгү укуктук абалды жана жашоо шартын көзөмөлдөйт.
