Ысык-Көл облусундагы Каракол – Эңилчек унаа жолу кар көчкүнүн айынан жабылып калды. Бул тууралуу Өзгөчө кырдаалдар министрлигинин маалымат кызматынын башчысы Абдишарип Бекилов кабарлады. Анын айтымында, кечээ (15-октябрда) түшкө маал Ак-Суу районундагы Каракол – Эңилчек унаа жолунун 81-82-чакырымында болжол менен 12 000 м³ (узундугу 500 метр, бийиктиги 4 метр, туурасы 6 метр) кар көчкү түшүп, жол убактылуу жабылган. Азырынча тазаланып бүтө элек. (RK)
