Талиптер НАТОнун Ооганстандагы базасына чабуул жасашты

Ооганстандын чыгыш тарабындагы армия менен НАТОнун биргелешкен аскер базасында курал-жарак жүктөгөн машинени жардыруу үчүн жоопкерчиликти өзүнө "Талибан" радикалдуу кыймылы алды. Базанын маалымат кызматы жардыруудан бир нече ооган аскери набыт болгонун, азыр алардын саны такталып жатканын билдирди.

Жекшемби күнү Гилменд провинциясында эл аралык аскерий күчтөрдүн радикал исламчыларга каршы атайын операциясы учурунда балдар мерт кеткен эле.