Келерки жумадагы биринчи отурумунда Жогорку Кеңеш өлкөнүн кышка даярдыгын талкуулайт. Бул тууралуу бүгүнкү жыйында парламент төрагасы Асылбек Жээнбеков билдирди. Өкмөт келип маалымат берет. Айрым депутаттар айрыкча айыл жергесинде кышка даярдык начар болуп жатканын айтып, элди жылуулук жана электр энергиясы менен камсыз кылуу жагында мүчүлүштүктөр болуп жатканын айтты. Жаратылыш кырсыгынан улам чатырда жашап жана окуп жаткандар дагы эле бар экени айтылды. Кечээтен тарта Кыргызстанда аба кескин муздай түштү. (RK)
