НАТОнун баш катчысы Андерс Фог Расмуссен Ооган куралдуу күчтөрү 2014-жылдын аягына чейин коопсуздукту камсыздоо милдетин өз колуна алууга даяр болот деп ишенет. Бул тууралуу баш катчы "Азаттыктын" ооган редакциясына берген интервьюсунда билдирди. Анын айтымында, жергиликтүү армия өлкөнүн 80 процентинде коопсуздук операцияларын жүргүзүүдө. Жана бул - өзгөчө белгилей кетчү жагдай, - деди Расмуссен. НАТОнун башчысы ошондой эле Ооганстандын коңшусу Пакистанды чек арадагы аймактарда козголоңчуларга каршы операцияларды күчөтүүгө үндөдү.
