Ош шаарында июнь окуясындагы башаламандыктын активдүү катышуучусу жана уюшма кылмыштуу топтун мүчөсү делген бир адам кармалды. Бул тууралуу “Азаттыкка” шаардык ички иштер башкармалыгынын басма сөз кызматынан кабарлашты. Кылмыш дүйнөсүндө “Китаец” атка конгон 28 жаштагы бул адам Камчы Көлбаевдин тарапкерлеринен турган уюшма топтун мүчөсү болгон. Ал 2010-жылдагы июнь окуясы маалында бийлик өкүлдөрүнө күч колдонгон деген шек менен издөөдө жүргөн. Азыр кылмыш иши козголуп, шектүү адам камакка алынды. (KKs)
