Нигериянын түндүгүндө христиан чиркөөсүндө сыйынуу учурундагы жардыруудан 8 адам мерт болуп, дагы жүзгө жакын киши жарадар болгону кабарланууда. Жергиликтүү полиция жардырууну автоунаасына мина жабыштырган жанкечти уюштурганын маалымдоодо. Терактка өлкөдөгү “Боко Харам” радикал исламий уюму шектелүүдө. Чиркөө кыйрагандан кийин таяк, бычак көтөргөн жаалданган христиан жаштары мусулмандарга каршы көчөгө чыгышты.
