Бүгүн Энергетика жана өнөр жай министрлигинин коллегия жыйыны өтөт. Министрликтин маалымат катчысы Сайрагүл Дулатованын "Азаттыкка" айтымында, жыйынга премьер-министр Жантөрө Сатыбалдиев катышат. Өнөр жай секторундагы 9 айдын жыйынтыгы чыгарылып, өндүрүштүн көлөмүн жогорулатуу чаралары талкууланат. Энергетика тармагындагы талылуу маселелер да күн тартибинде. Кышка даярдык, Бишкек менен Оштун жарык жана жылуулук менен камсыз болушу каралат. (RK)
