Ооганстанда президенттик шайлоо 2014-жылы 5-апрелде болот

Бул жөнүндө “Азаттык” үналгысына ооган өкмөтүнүн атын атабоону өтүнгөн расмий адамы маалымдады. Шайлоо качан болору бүгүн расмий жарыяланат деп боолгонууда. Азыркы президент Хамид Карзай экинчи мөөнөт бийликте отургандыктан, Конституция боюнча келерки шайлоого катыша албайт.

Карзай 2001-жылы талиптердин режимин АКШ башындагы күчтөр кулаткандан кийин президент шайланган.