Чүйдүн Токмок шаарында өрт кырсыгында эки адам жабыркады. Бул тууралуу "Азаттыкка" Өзгөчө кырдаалдар министрлигинен кабарлашты. ЗИЛ-130 маркасындагы унаанын тетиктери күйгөн. Кырсыкка электр шаймандары менен иштөөдөгү этиятсыздык себеп болгону айтылууда. 1964-жылы туулган Нарынбек Базаркулов бетинен, колунан, далысынан жана 1954-жылкы Салмоорбек Курманалиев бетинен, чыканагынан 1,2-даражадагы күйүк алган. Бирок экөө тең ооруканага жатуудан баш тартып, өз алдынча дарыланып жатат. (RK)