Бүгүн Бишкекте гезит жана интернет-басылмалардагы этикалык стандарттарды менен кесиптик принциптердин сакталышын талкуулаган жыйын болуп өттү. Аны Европадагы коопсуздук жана кызматташтык уюмунун Бишкектеги өкүлчүлүгү уюштуруп берди. Аталган уюмдун аскердик-саясый бөлүмүнүн башчысы Росс Браун этиканы сактаган журналистика гана демократиялык коомдун чыныгы бөлүгү боло алаарын айтты. Талкууга Кыргызстанда иштеген 25 журналист катышты. (RK)