Бишкек - Ош унаа жолунун айрым участокторунда кыймылга чектөөлөр киргизилди. Бул тууралуу Өзгөчө кырдаалдар министрлигинен кабарлашты. Жолдун 9-146-чакырымдарында (Төө-Ашуу ашуусу) жана 209-245-чакырымдарында (Ала-Бел ашуусу) кардын калың жааганына (20 см) байланыштуу унаалардын өтүүсүнө кыйынчылыктар жаралган. Жолду тазалоо үчүн атайын техника тартылган. Сосновка жана Арал постторунда оор жүк ташуучу унаалар үчүн чектөө коюлду. (RK)
