Белкур күрөшү боюнча дүйнөлүк чемпионат башталууда

Орусиянын Уфа шаарында өтө турган чемпионатта Кыргызстандын намысын тогуз балбан коргойт. Алардын катарында дүйнөлүк, Азия чемпионаттарында байге алып жүргөн Жанболот Осмонов, Медетбек Бектемиров, Сергей Фуфачев, Темирлан Таиров жана башкалар бар. Мелдешке Кыргызстандын жараны, эл аралык калыс Аскаралы Көчкөнов калыстык кылат.

Бүгүн ошондой эле Казакстандын Чымкент шаарында көкбөрү боюнча эл аралык турнир улантылат. Бул оюнда Кыргызстандын намысын төрт команда коргоодо. (KMa;ZKo)