Сирияда жан кечтинин жардыруусунан кеминде 50 киши набыт кетти. Жергиликтүү активисттердин айтымында, курман болгондор өкмөттүк армиянын жоокерлери жана президент Башар Асадга лоялдуу согушкерлер болчу. Жан кечти аскердик пункттун жанында өзүн өзү жардырып жиберген. Ал тапта борбор шаар Дамаскта айыгышкан салгылашуулар болгонун Сириядагы адам укуктарына байкоо салган уюм кабарлады. Уюмдун ырастоосунда, Идлиб чөлкөмүндө бүгүн аба соккусунан бери дегенде 20 козголоңчу каза болду.
