Элмира Ибраимова Эсеп палатасынын төрайымы болуп калды

Жогорку Кеңеш Элмира Ибраимованы Эсеп палатасына төрайым кылып дайындоого макулдугун берди.

Элмира Ибраимованын талапкерлигин Эсеп палатасынын жетекчилигине президент Алмазбек Атамбаев дээрлик бир ай мурда сунуштаган. Бул аралыкта президенттин сунушу парламенттеги комитеттерде жана фракцияларда каралып, жактырылган.
Элмира Ибраимова мурда вице-премьер-министрлик, АРИСтин жетекчилиги кызматтарды аркалаган. (ZKo)