Би-Би-Cинин жетекчиси Жорж Энтуисл ишемби күнү Консервативдик партиянын кадырлуу саясатчысын бачабаз деп жалган айыптаган телеберүүгө байланышкан чырдын айынан кызматтан кеткен эле. ББС трастынын төрагасы Крис Паттен кечээ корпорацияны “терең, радикалдуу жана структуралык реформалоого” чакырды. Анын алдында ББС атактуу алып баруучусу, көзү өтүп кеткен Жимми Сейвилге карата ушундай эле мазмундагы айыптоолор боюнча иликтөөсүн обого чыгарбай койгондугу маалым болгон. Жорж Энтуисл Би-Би-Синин башкы директору болуп эки ай мурда дайындалган.
