Пакистанда жардыруудан эки адам мерт кетип, ондогону жарадар болду

Пакистандын түштүк-батышындагы Белужистан провинциясынын Кветта шаарында кан жолдогу жардыруу тууралуу “Азаттыкка” полициянын өкүлү маалымдады. Анын айтымында, велосипедге тагылган жардыргыч зат Пакистандын чек ара корпусунун конвойу өтүп бараткан учурда жардырылган. Азырынча жардыруу үчүн жоопкерчиликти эч ким өзүнө ала элек.

Белужистан провинциясында буга чейин да мусулман шииттер менен сунниттер ортосунда да бир нече ирет кагылыш болгон.