Айсулуу Тыныбекованын иши сотто каралат

Бүгүн Бишкектин Ленин райондук сотунда Лондон олимпиадасынын катышуучусу Айсулуу Тыныбекованын иши каралат. Бул тууралуу Жогорку Соттун маалымат кызматынан кабарлашты.

Тыныбековага быйыл апрел айында бейбаштык кылды деп кылмыш иши козголгон. Эркин күрөш боюнча спорт чебери быйыл жазында 17 жаштагы Бишкектин тургунун сабап, анын денесине залал келтирген деп айыпталууда.

Айсулуу Тыныбекова быйыл август айында кыргыз кыздарынан биринчи болуп эркин күрөш боюнча Лондон олимпиадасына катышкан. (BkA)