Байкоочулар коалициясы көчмө добуш берүүгө көз салууга чакырды

«Жарандык коом жана демократия үчүн» коалициясынын маалыматында, бул жолку шайлоодо алдын ала арыз жазып, көчмө добуш берүүнү каалагандардын саны арбын. Мындан улам коалиция мыйзам бузууларды алдын алуу үчүн саясий партияларга көчмө добуш берүүгө байкоочуларды жиберип, тыкыр көз салууга үндөөдө.

25-ноябрда Кыргызстандын 25 шаарында жана 416 айылында жергиликтүү кеңештин депутаттарын шайлашат. (BkA)