“Бүтүн Кыргызстан” добуш берүү кагазында орусча жазылган

Партиянын төрагасы Адахан Мадумаров муну атайын бут тосуу аракети менен жасалган деп эсептейт. Анын айтымында, “Бүтүн Кыргызстан” партиясынын аталышын Бишкекте добуш берүү кагазына орусча жазуу менен БШК элдин башын айландырууда.

Ал эми БШКнын басма сөз катчысы Токтоболот Жумалиев партия Кыргызстандын Адилет министрлигинен кандай аталышта катталган болсо, добуш берүү бюллетенине да так ошондой жазыларын “Азаттыкка” билдирди. (ZKo)