Ооганстандын бийликтери 24-ноябрдагы студенттердин өз ара жаңжалынан улам борбор калаа Кабулдагы бардык университеттер бери дегенде 10 күнгө жабылаарын жарыялады. Кечээ Мухаммед пайгамбардын небереси имам Хуссейндин өлгөн күнүн эскерүү үчүн мечитке келген шиит студенттер менен суннит студенттер кагылышып, 1 студент каза таап, 28и жарадар болгон. Каза тапкан студент 3-кабаттан ыргытылганы аныкталды.
