Линктер

ЧУКУЛ КАБАР!
12-Февраль, 2025-жыл, шаршемби, Бишкек убактысы 10:08

Чернобыл курулушунун алгачкы бөлүгү тургузулду


Мурдагы атомдук электрстанциянын өзөктүк коркунучунан сактоочу жайдын биринчи бөлүгү курулуп бүттү. Бул долбоорду каржылап жаткан Европа өнүктүрүү банкы муну 1986-жылы болгон апааттын кесепеттеринен сактоочу негизги кадам деп баалады.

Долбоор жетекчисинин орун басары Виктор Зализетский өзөктүк коркунучтан сактоочу жайдын мааниси чоң деп белгиледи:

- Бул объектти куруу максаты – радиоактивдүү жана зыяндуу нурлардын айлана-чөйрөгө таралышын алдын алуу. Бул курулуш Украинаны жана ошондой эле Европа өлкөлөрүн өзөктүк коркунучтан сактайт.

Курулуштун бүтүшү 2015-жылга белгиленген, долбоор боюнча өзөктүк коркунучтан сактоочу жайдын узуну 257, бийиктиги 110 метр болмокчу. Долбоор жалпысынан 1 миллиарддан ашык долларга бааланган.

Чернобыл Атомдук электр станциясындагы кырсык 1986-жылы болгон, ошол убакта 31 киши өлгөнү расмий айтылганы менен өзөктүк нурга ууланган көптөгөн адамдар жыл сайын дүйнө менен кош айтышууда. (ZKo)

XS
SM
MD
LG