Бул тууралуу “Азаттыкка” Талас шаардык ички иштер бөлүмүнүн ага тергөөчүсү Бактыгүл Турусбекова билдирди. Анын айтымында, №6108 шайлоо бекеттин төрайымы Гүлнара Камалдинова шайлоо документтерин бурмалоо же добуштарды туура эмес эсептөө фактысы боюнча айыпталып жатат. Ал эми акча алды деген шектенүүлөрдү тергөө териштирет. Азырынча анын акча алып-албаганы аныктала элек.
Буга чейин айрым маалымат булактарда Камалдинова шайлоого катышкан партиялардан чоң суммада акча алганы жарыяланып кеткен эле.
Добуш берүү күнү №6108 шайлоо бекетинен 102 бюллетень жоголуп, бир нече сааттан кийин 92си табылган. “Таза шайлоо” ассоциациясынын аймактагы байкоочусу Айжамал Канаеванын айтымында, табылган бюллетендерде “Замандаш-Современник” партиясына белгилер коюлган. Бул окуядан кийин аталган бекеттеги шайлоонун жыйынтыгы жокко чыгарылган болчу. (MbA)
Буга чейин айрым маалымат булактарда Камалдинова шайлоого катышкан партиялардан чоң суммада акча алганы жарыяланып кеткен эле.
Добуш берүү күнү №6108 шайлоо бекетинен 102 бюллетень жоголуп, бир нече сааттан кийин 92си табылган. “Таза шайлоо” ассоциациясынын аймактагы байкоочусу Айжамал Канаеванын айтымында, табылган бюллетендерде “Замандаш-Современник” партиясына белгилер коюлган. Бул окуядан кийин аталган бекеттеги шайлоонун жыйынтыгы жокко чыгарылган болчу. (MbA)
