ЕККУ коомдун радикалдашуусун алдын алууга көмөктөшөт

Бүгүн Ош шаарында коомдун радикалдашуусун алдын алуу жана анын кесепети менен күрөшүү маселелерине арналган эки күндүк семинар башталды. Иш-чараны Европадагы коопсуздук жана кызматташтык уюму уюштурду. Анда радикалдашуу жана аны динден айырмалай билүү, бул коркунучту алдын алуудагы диний коомчулуктун ролу талкууланууда.

Семинарга Ош, Жалал-Абад жана Баткенден жергиликтүү администрациялардын, Дин иштери боюнча комиссиянын, жарандык коомдун өкүлдөрү жана көз карандысыз эксперттер чакырылган. Бул тууралуу ЕККУнун Бишкектеги борборунун кабарлашты. (EBM)