АКШ мамкатчысынын орун басары Венди Шерман Кыргызстанга келет

АКШнын мамлекеттик катчысы Венди Шерман бүгүнкү бир күндүк иш сапарында мамлекет башчы Алмазбек Атамбаев жана өкмөт башчы Жантөрө Сатыбалдиев менен жолугушуп, АКШ менен Кыргызстандын ортосундагы кызматташуу тууралуу талкуулашат. Мындан тышкары Венди Шерман экс-президент Роза Отунбаева жана жарандык коом активисттери менен жолугушат. Бул тууралуу “Азаттыкка” АКШнын Кыргызстандагы элчилигинен кабарлашты.

Айрым серепчилер мамкатчынын орун басары менен кыргыз бийликтеринин жолугушуусунда Транзиттик базанын тагдыры тууралуу да сөз болот деп божомолдошууда. Элчиликтин маалымат кызматы бул боюнча кабарсыз экенин маалымдады. (ZKo)