Аба ырайынан улам Бишкек-Ош жолунда кыймыл катаалданышы ыктымал

Ушундан улам жакынкы күндөрү Төө-Ашуу ашуусу аркылуу жол жүрүүчү жүргүнчүлөр жолго чыкпай туруусун Чүй облустук ИИБ эскертти. Маалыматта айтылгандай, аба ырайынын кескин өзгөрүүсүнө байланыштуу тоолуу жолдор тайгак болуп, бороон күчөп, кар күрткүлөрү чогулуусу күтүлөт. Бул өз кезегинде машинелердин жүрүшүн оорлотуп, жол кырсыктарына алып келиши мүмкүндүгүн белгилеген ИИБ айдоочуларга унааларынын дөңгөлөктөрүн кышкыга алмаштырууну да эскертүүдө.

Өзгөчө кырдаалдар министрлиги кечээ шашылыш билдирүү таратып, 29-ноябрдан 2-декабрга чейин кар жаайт деп билдирген. (ZKo)