«Талиптердин кол салуусун кошпогондо, кооптуу кырдаалдын бир өңүтү НАТО менен АКШ Ооганстанда түзгөн структуралардын кесепетинен келип чыгууда», деди NBC сыналгысы менен маегинде президент Хамид Карзай. Ал батыштык коопсуздук фирмалары жана келишим менен иштегендер оогандардын ачусуна тийип, кырдаалды курчутуп жатканын дагы айтты. Бүгүн Кабулда Ооганстандын чалгын кызматынын жетекчиси бомба чабуулунда жараат алды. Асадулла Халидге жан кечти кол салгандыгы айтылууда. Президент Карзай Халидге жолуккандан кийин анын абалы кооптуу эмес экендигин билдирди.
