Бүгүн президент Алмазбек Атамбаев алдыңкы беш жылда Кыргызстанды туруктуу өнүктүрүү боюнча стратегиясын же “жол картасын” жарыялайт. Президенттин басма сөз кызматы билдиргендей, бул план Кыргызстанды экономикалык туруктуу өнүктүрүү боюнча улуттук кеңештин бүгүнкү жыйынында талкууланат. Документ өлкөдөгү саясий-экономикалык абалдын жана мамлекеттик башкаруунун туруктуулугун камсыз кылуу максатында даярдалды. Президенттин “жол картасы” эки жума талкуулангандан кийин Улуттук кеңештин экинчи жыйынында кабыл алынууга тийиш. Кыргызстанды экономикалык туруктуу өнүктүрүү боюнча улуттук кеңеш президенттин жардыгы менен ноябрь айында түзүлгөн. (KKs)
