Саламаттыкты сактоо боюнча 13-саммит өтөт

Бүгүн Бишкекте Кыргызстандагы саламаттыкты сактоонун абалын талкуулаган 13-саммит башталат. Саламаттыкты сактоо министрлигинин басма сөз кызматы билдиргендей, саммитте улуттук “Ден соолук” программасын ишке киргизүү механизмдери иштелип чыгат. Талкууга министрликтин, ден соолуктуу сактоо багытында иш алып барган уюмдардын, жарандык коомдун өкүлдөрү катышат.

2012-жылдан 2016-жылга чейинки мезгилди камтыган “Ден соолук” программасы негизинен жүрөк, кан тамыр ооруларын айыктырууга жана кургак учук өңдүү социалдык илдеттерге каршы күрөшкө басым жасайт. (KKs)