Кыргызстан менен Азербайжан жарандык коргонуу боюнча кызматташат

Кыргызстан менен Азербайжан жарандык коргонуу, өзгөчө кырдаалдардын алдын алуу жана жоюу боюнча кызматташат.

Бул тууралуу мыйзамга президент Алмазбек Атамбаев кечээ кол койду.
Кыргыз өкмөтү менен азери өкмөтүнүн ортосундагы жарандык коргонуу, өзгөчө кырдаалдардын алдын алуу жана жоюу тууралуу макулдашууга 2012-жылдын 30-мартында Баку шаарында кол коюлган эле.

Аны ратификациялоо тууралуу мыйзам Жогорку Кеңеш тарабынан 2012-жылдын 22-ноябрында кабыл алынды.