Пакистандын президенти Лондондо ооруканадагы Малала Юсафзайды көрдү

Президент Асиф Али Зардари талиптердин колунан катуу жараат алып, учурда Лондондо ооруканада дарыланып жаткан 15 жаштагы Малаланы барып көрдү.

Али Зардари Малаланы караган дарыгерлер жана кыздын туугандары менен да жолукту. Юсафзай Пакистандын түндүк-батышындагы Сват өрөөнүндө талиптердин колунан жараат алган. Талиптер болсо пакистандык кыздардын таламын талашып, исламчыларды сындаган 15 жаштагы блоггер кызга атайын кол салышканын моюнга алышкан.