Террорчул уюмдарга бөгөт коюу үчүн жүргүзүлгөн ыкчам-иликтөө иштеринин натыйжасында Бишкекте курал алып жүргөн төрт адам кармалды. Бул окуя эки күн мурда болгонун Улуттук коопсуздук комитетинин басма cөз кызматы бүгүн кабарлады. Кармалган адамдардан «РПГ-18» үлгүсүндөгү гранатомет, “Калашников” автоматы, тапанчалар, жардыруучу каражаттар жана миңден ашык ок табылган. Бул факт боюнча “курал-жаракты мыйзамсыз алып жүрүү жана сактоо” беренеси боюнча кылмыш иши козголду. (KKs)
