Бул мааракеге байланыштуу бүгүн Бишкекте спорт чөйрөсүндөгү аттуу-баштуу адамдар катышкан жыйын өтөт. Анда аталган комитеттин алтын ордени менен Олимпиада комитетинин биринчи президенти Эшим Кутманалиев, олимпиада чемпиону Каныбек Осмоналиев, Бээжин олимпиадасынын күмүш жана коло байге ээлери Канат Бегалиев менен Руслан Түмөнбаев, Азия оюндарынын чемпиондору Татьяна Ефименко, Татьяна Борисова жана Данияр Көбөнов, Жаштар олимпиадасынын чемпиону Урматбек Аматов сыйланат. Бул тууралуу “Азаттыкка” Улуттук олимпиада комитетинин баш катчысы Канат Аманкулов маалымдады. (EBM)
