Бүгүн президенттик балаты болот

Мамлекет башчы Алмазбек Атамбаевдин катышуусу менен бүгүн “Кереметтүү түндүк” деген аталыштагы жаңы жылдык балаты болот. Ага 8 жаштан 13 жашка чейинки окууда жана коомдук иштерде айырмаланган, ден соолугу чектелүү жана турмушу начар үй-бүлөлөрдүн балдары катышат. Балдардын тизмеси жергиликтүү бийликтердин жана тиешелүү министрликтердин сунушу боюнча түзүлгөн.

"Жаңы жылдык балатыда балдар мамлекет башчысынын колунан белек алып, кызыктуу оюн-зоокторго ортоктош болушат" деп маалымдайт Президенттик аппараттын маалыматтык саясат бөлүмү. (ZKo)