Ысык-Көл облусунда ВИЧке чалдыккандардын саны 13 кишиге өстү. Бул тууралуу “Азаттыкка” эпидемиология бөлүмүнүн башчысы Дамира Онгоева билдирди. Анын айтымында, былтыркы жылы ушул маалда ВИЧ жуктуруп алгандардын саны 66 болсо быйылкы жылы 79га жетти. Бул ооруну жуктуруп алууда биринчи орунда миграция турат. Дагы бир себеп - абактан чыккандар бошонуп баргандан кийин үй-бүлө мүчөлөрүнө жуктуруп жатат. 79 кишинин 53ү эркек, 26сы аял. (MK/RK)
