Бүгүн коңшу өлкөдө шейшембидеги авиакырсыкта курман болгондорду эскеришүүдө. Казак Чек ара кызматынын Ан-72 учагы Чымкент шаарына чукул жерде кыйраган. Учакта Чек ара кызматынын жетекчиси жубайы менен, аймактык башкармалыктын командирлери жана экипаждын 7 мүчөсү болгон. 25-декабрда кечинде болгон авиакырсыкка аба ырайы, учактын техникалык абалы же адистердин кетирген каталагы себеп болушу мүмкүн деген божомолдор айтылууда.
