Бишкек - Ош унаа жол боюндагы тоолуу участоктордо топтолгон кар аткыланып түшүрүлөт. Бул тууралуу Өзгөчө кырдаалдар министрлигинин маалымат кызматынын башчысы Абдишарип Бекилов кабарлады. Анын айтымында, аткылоо иштери бүгүн башталып, 30-декабрга чейин жүргүзүлөт. Ал үчүн артиллериялык курал колдонулат. Адистердин божомолунда, Бишкек - Ош унаа жолунун 121-138, 198-265 жана 361-385-чакырымдарында кар көчкү түшүп, адам өмүрү үчүн кооптуу абал түзүлүшү ыктымал. (RK)
