Баткендин Исфана шаардык кеңешинин төрагалык кызматы талашка түшүүдө. Бул тууралуу "Азаттыкка" "Ата Мекен" партиясынын Исфанадагы ишенимдүү өкүлү Мирбек Бабакулов билдирди. Анын айтымында, БШКнын өкүлүнүн басымы менен төрагалыкка азчылыкта калган Социал-демократтар партиясынын өкүлү шайланганы мыйзамсыз болууда. Бабакулов шаар кеңештин төрагалыгына көпчүлүк коалициянын гана өкүлү талапкер боло алат деген талап бузулганын, мындай норма "Жергиликтүү өз алдынча башкаруу жөнүндөгү" мыйзамдын 37-беренесинде камтылганын айтты.
25-ноябрда өткөн шайлоонун жыйынтыгында шаар кеңешке келген "Ата Мекен", "Бүтүн Кыргызстан" жана "Республика" партиялары "Ынтымак" деген көпчүлүк коалиция түзгөн. Ага 31 депутаттын 18и кирди. Калган 13 депутат Социал-демократиялык партиянын өкүлү. Алар оппозицияда калды. (RK)
25-ноябрда өткөн шайлоонун жыйынтыгында шаар кеңешке келген "Ата Мекен", "Бүтүн Кыргызстан" жана "Республика" партиялары "Ынтымак" деген көпчүлүк коалиция түзгөн. Ага 31 депутаттын 18и кирди. Калган 13 депутат Социал-демократиялык партиянын өкүлү. Алар оппозицияда калды. (RK)
