Баш калаа Дамаскинин жанындагы май куючу бекет узактан бомбаланганда ондогон киши каза болгонун Лондондо жайгашкан Сириядагы Адам укуктарын көзөмөлдөө уюму кабарлады. Жөн-жай киши тартып алган видеодон жерде бир нече кишинин өлүгүн, өрттөнүп жаткан машинаны көрүүгө болот. Мунун алдында козголоңчулар Идлибдеги аба бекетине кол салгандыгы кабарланган. Асаддын бийлигине каршы мындан дээрлик эки жыл мурда башталган козголоңдо 45 миңдей адамдын өмүрү кыйылды.
