АКШнын мамлекеттик департаменти мамкатчы Хиллари Клинтон Нью-Йорктогу ооруканадан дарыланып чыкканын билдирди. Дарыгерлер тобу Клинтондун ден-соолугу толугу менен калыбына келерин, жакшы жылыштар бар экенин кабарлашты. 65 жаштагы Хиллари Клинтон башында табылган уюган канга байланыштуу өткөн жекшембиде ооруканага жаткырылган. Декабрда мамкатчы ичеги-карын инфекциясынан улам кокусунан эстен танып, кулап түшкөн эле. (KKs)
