Баткен: Сохтун айланасындагы кыргыз айылдарда элдер топтолууда

Баткендеги кабарчыбыз Жеңиш Айдаровдун маалыматына ылайык, Өзбекстандын Сох анклавынын жака-белиндеги кыргыз айылдарда 50дөн, 100дөн адам топтолуп, анклавга кирчү жолдорду бууп жатат. Кыргыз жарандары Сохко кирген газ куурларын кесип жатат деген маалымат такталган жок.

Учурда өзбек-кыргыз бийликтери окуя болгон жерге чогулуп, жаңжалды жөнгө салууну сүйлөшүп жатканы кабарланууда. Азыр Сохтогу Хушаяр чек ара отрядында 20 чакты Кыргызстандын жараны барымтада турат. (EBM)