Өзбекстан Чарбак жаңжалындагы материалдык чыгымды төлөп берүүгө макул болду

Өкмөттүн Баткендеги өкүлү Жеңиш Разаков чек ара чыры чыккан аймакта кырдаалды туруктуу деп айтууга болбой турганын “Азаттыктагы” маегинде билдирди. Анын айтымында, аймакта нааразычылык жөнгө салына элек.

Кечээ кыргыз-өзбек бийлик өкүлдөрүнүн жолугушуусу өттү. Анда өзбек тарап Чарбак жаңжалындагы материалдык чыгым толук төлөнүп берилерин билдирди. Бүгүн тараптар дагы жолугушуусу мүмкүн. Разаков кыргыз тарап материалдык чыгым төлөп берилмейинче, башка маселелерге өтпөй турганын билдирип жатканын белгиледи. (EBM/JsA)